Ohorezko mailan mantentzea dute jokoan ordiziarrek. Bigarren fase honetan, B multzoan ari dira jokatzen. Sailkapenean beheko erdialdean gelditu ziren 6 taldeen arteko lehia da hau, guztira 5 partidatan erabakiko dena. Lehenengo bi sailkatuek play offa jokatu dute ligako tituluagatik. Azken sailkatua mailaz jaitsiko da zuzenen eta erdialdean geratzen diren hiru taldeen artean promozioa jokatuko dute.
Ampo Ordizia 4. dago sailkapenean, 24 punturekin. Aurretik Bartzelona du puntu batera eta 5. eta 6. postuan, Pasek Belenos eta Pozuelo daude hurrenez hurren, 20 eta 18 punturekin.
Hurrengo partida etxetik kanpo jokatuko dute ordiziarrek, apirilaren 7an lider doan Cisneros taldearen aurka . Bigarren fase honen azken partida etxean jokatuko dute Bartzelonaren aurka, une honetan aurkari zuzena dena. Beraz, partida erabakiorrak aurretik.